Manchester city បំបាក់ Chelsea យ៉ាងចាស់ដៃ វាជាបរាជ័យដ៏ធំក្នុងប្រវត្តិសាស្ត្ររបស់ Chelsea នៅ Premier League

ក្រុមមេឃខៀវ Manchester city បានយកឈ្នះទៅលើក្រុមតោខៀវ Chelsea ដោយលទ្ធផល ៦-០ ក្នុងការប្រកួតពានរង្វាន់ Premier League ។ ខ្សែប្រយុទ្ធ Sergio Agüero រកបាន Hat trick ម្តងទៀតនៅក្នុងការប្រកួតនេះ ។ ហើយរូបគេគឺជាអ្នករកគ្រាប់បាល់បានច្រើនជាងគេក្នុងប្រវត្តិសាស្ត្រក្លឹប Manchester city នៅក្នុងពានរង្វាន់ Premier League ។

ក្នុងតង់ទី១ ក្រុមរបស់អ្នកចាត់ការ Pep Guardiola ធ្វើបានយ៉ាងល្អក្នុងការប្រកួតនេះដោយប្រើពេលត្រឹមតែ ២៥ នាទីរកបានគ្រាប់បាល់ ៤ គ្រាប់ ។ ការប្រកួតទើបនឹងចាប់ផ្តើមបាន ៤ នាទីខ្សែប្រយុទ្ធស្លាបជម្រើសជាតិអង់គ្លេស Sterling បានរកគ្រាប់បាល់បើកឆាកឱ្យក្រុមម្ចាស់ផ្ទះនាំមុខ ១-០ ។ ក្រោយមកប្រហែល ៨ នាទីខ្សែប្រយុទ្ធ Sergio Agüero ក៏បានបន្ថែមគ្រាប់បាល់ ២ គ្រាប់ទៀតដោយគ្រាប់ទី ១ របស់គេនៅនាទីទី ១៣ និងគ្រាប់ទី ២ នៅនាទីទី ១៩ ។

ក្រុមតោខៀវព្យាយាមវាយសម្រុកដើម្បីរកគ្រាប់បាល់វិញប៉ុន្តែរវាមិនត្រឹមតែអត់បានសម្រេចទេបែជាក្រុម Manchester city បន្ថែមគ្រាប់ទី ៤ របស់ខ្លួននៅនាទីទី ២៥ ដោយស៊ុតបញ្ចូលទីដោយខ្សែបម្រើ Gündoğan ។ បញ្ចប់តង់ទី ១ ក្រុមម្ចាស់ផ្ទះធ្វើការនាំមុខ ៤-០ ។

លុះដល់តង់ទី ២ ការប្រកួតរិតតែមានការចាប់អារម្មណ៍ថែមទៀតដោយក្រុមភ្ញៀវព្យាយាមលេងសម្រុកខ្លាំងតែក្រុមម្ចាស់ផ្ទះព្យាយាមលេងការពារច្រើន ។ ប៉ុន្តែរយុទ្ធសាស្ត្រការពាររបស់ក្រុម Manchester city មិនត្រឹមតែមានប្រសិទ្ធភាពខ្ពស់ទេថែមទាំងអាចវាយបកបន្ថែមគ្រាប់បាល់បានទៀត ។ នៅនាទីទី ៥៣ ក្រុម Manchester city ទទួលបានបាល់ប៉េណាល់ទីដោយខ្សែប្រយុទ្ធជម្រើសជាតិអាហ្សង់ទីនជាអ្នកសម្រេចទីគ្រាប់បាល់មួយនេះហើយជាគ្រាប់ទី៣ របស់គេក្នុងការប្រកួតនេះផងដែរ ។ Raheem Sterling ជាអ្នករកគ្រាប់បាល់ចុងក្រោយនៃការប្រកួតនេះដោយស៊ុតចូលនៅនាទីទី ៨០ ។ ចប់ការប្រកួត Chelsea ត្រូវបរាជ័យយ៉ាងធ្ងន់ករដោយលទ្ធផល ៦-០ ។

បច្ចុប្បន្នក្រុម Manchester city ឈរនៅកំពូលតារាងដោយមាន ៦៥ ពិន្ទុស្មើនឹងក្រុមចំណាត់ថ្នាក់លេខ ២ Liverpool ចំណែកឯក្រុមតោខៀវ Chelsea បានធ្លាក់ទៅចំណាត់ថ្នាក់លេខ ៦ ដោយមាន ៥០ ពិន្ទុស្មើនឹងក្រុមចំណាត់ថ្នាក់លេខ ៥ Arsenal ។

Loading...

ពត៌មានថ្មីៗ

ទស្សនា ៖ ការទាត់មិនចូលរបស់កីឡាករម្នាក់រហូតដល់ក្លឹបបណ្តេញចេញ
Solskjaer ៖ បើធៀបជាមួយ Man City បិសាចក្រហម Man United មិនទាន់ល្អនៅឡើយទេ
Zidane ៖ Real Madrid នៅតែជាជើងខ្លាំងនៅអេស្ប៉ាញ ឈ្នះ Laliga ៣៣ ដង
Arsenal បរាជ័យក្រោមស្នាដៃ Wolverhampton
Van Dijk បានផ្តួល Sterling ក្លាយជាកីឡាករឆ្នើមប្រចាំឆ្នាំរបស់ PFA
Man City ឈ្នះ Man United ដល់ទឹកដី ឡើងទៅឈរកំពូលតារាងវិញ
Pep ៖ Old Trafford គ្មានអ្វីគួរឲ្យខ្លាចនោះទេសម្រាប់ Man City
ហេតុផល ៣ ចំនុចដែលធ្វើឱ្យកីឡាករបិសាចក្រហមបាក់ទឹកចិត្ត
Luis Suarez នៅតែបន្តរកគ្រាប់បាល់បាន ឈរលេខ ៥ អ្នកស៊ុតច្រើនរបស់ក្លឹប Barcelona
PSG កំពុងប្រមាញ់ Icardi ដើម្បីមកជំនួស Cavani
Manchester derby ៖ តើបិសាចក្រហមអាចសងសឹក Man City បានវិញទេនៅទឹកដីខ្លួនឯង!
Barcelona អាចនឹងលើកពាន Laliga បន្ទាប់ពីឈ្នះយប់មិញ
Ajax នៅតែបន្តរឈ្នះនិងបំបែកកំណត់ត្រាគ្រាប់បាល់ស៊ុតចូលច្រើន
Spurs រក្សាបាន ១០០% មិនរបូតគ្រាប់បាល់នៅកីឡាដ្ឋានថ្មី
ទស្សនា ៖ គ្រាប់បាល់ស៊ុតចូលទីលឿនបំផុតក្នុងប្រវត្តិសាស្រ្ត Premier League របស់កីឡាករ Shane Long